पाच वर्षात तोंड दाखवलं नाही ते मते मागायला येतील
विठ्ठल आवाळे यांची विरोधकांवर टीका.
न्यूज वार्ता (संपादक)
मागील काही वर्षात आमदार संग्राम थोपटे यांच्या मार्गदर्शनाखाली या भागात असंख्य विकासकामे पूर्ण झाली आहेत. हा भाग धरणग्रस्त असल्याने भाटघर धरणग्रस्त नागरी सुविधा प्रकल्पांतर्गत विकासकामांच्या जोरावर या भागातील गावांना भरीव निधी दिला आहे. जिल्हा परिषद सदस्य असताना देखील या भागातील गावात अंतर्गत रस्ते, वीज, स्मशानभूमी, सौरदिवे, कृषी अवजारे, साहित्य आदी विविध विकासकामे मार्गी लावली आहेत. जो या भागात गावात पाच वर्षांत कधी आला नाही, आपले तोंड कधी दाखवले नाही ते आता निवडणुका लागल्यावर पाच वर्षांनी मते मागायला येतील, त्यांनी कधी गावच्या विकासाला एक रुपया दिला नाही, असे टीकास्त्र माजी जिल्हा परिषद सदस्य विठ्ठल आवाळे यांनी सोडले. बसरापूर येथे शुक्रवार (दि. २५) रोजी महाविकास आघाडीचे उमेदवार, आमदार संग्राम थोपटे यांच्या प्रचारादरम्यान ते बोलत होते. महाविकास आघाडी प्रणित काँग्रेस, राष्ट्रवादी काँग्रेस शरदचंद्र पवार पक्ष, शिवसेना उध्दव बाळासाहेब ठाकरे पक्ष आणि मित्र पक्षाचे अधिकृत उमेदवार संग्राम थोपटे यांच्या भोर तालुका वेळवंड, महुडे खोरे प्रचारदौरा शुक्रवार (दि.२५) प्रारंभ झाला. यावेळी पांगारी येथे संग्राम थोपटे यांच्या प्रचाराचा महाविकास आघाडीचे उमेदवार, आमदार संग्राम थोपटे यांच्या प्रचारादरम्यान विठ्ठल आवाळे बोलत होते. नारळ फोडून दौरा प्रारंभ झाला. वेळवंड, राजघर, पसुरे, कर्नवडी, म्हाळवडी, बारे खुर्द, बारे बुद्रुक, बसरापूर, महुडे, ब्राह्मणघर, नांद, शिंद, गवडी, किवत, येवली, सांगवी आदी गावात प्रचार दौरा आयोजित केला. भोलावडेत या दिवशीचा शेवटी होणार आहे. यावेळी रायरेश्वर विकास डोंगरी परिषदेचे सचिव बाळासाहेब थोपटे, भोर तालुका राष्ट्रवादी शरदचंद्र पवार पक्षाचे तालुकाध्यक्ष रवींद्र बांदल, राष्ट्रवादी शरदचंद्र पवार पक्षाचे महाविकास आघाडीचे प्रचार प्रमुख मानसिंग धुमाळ, पृथ्वीराज थोपटे, माजी जिल्हा परिषद सदस्य विठ्ठल आवाळे, युवक अध्यक्ष नितीन दामगुडे, खरेदी-विक्री संघाचे सदस्य अंकुश खंडाळे, भाटघर पुनर्वसन समितीचे अध्यक्ष विठ्ठल वरखडे, सचिव काळुराम मुळेकर, सुवर्णा मळेकर, वसंत वरखडे, माऊली दानवले, अमर शेडगे, दिपक कुमकर, वेळवंड सरपंच काजल पांगुळ, बारे खुर्दच्या सरपंच सविता गायकवाड, सागर दानवले, कृषी उत्पन्न बाजार समितीचे अंकुश खंडाळे विकास पवार, हनुमंत बदक, रामचंद्र शिंदे, ज्ञानोबा दानवले, तंटामुक्ती उपाध्यक्ष रमेश बाबुराव झांजले, दत्तात्रय पवार, चंद्रकांत झांजले, कांता झांजले, शिवाजी झांजले, बबन झांजले, जयवंत झांजले, केशव साळुंके, सुनील साळुंके, सदाशिव झांजले, लक्ष्मण बदक, दशरथ कुंभारकर, अनिल झांजले, अजित पवार आदीसह ग्रामस्थ, महिला उपस्थित होत्या. मानसिंग धुमाळ, रवींद्र बांदल यांनींही मनोगतात महाविकास आघाडीचे उमेदवार संग्राम थोपटे यांना मतदारांची साथ मिळेल, असा विश्वास व्यक्त केला.
