वेळूच्या सरपंचपदी काँग्रेसचे आप्पा धनावडे तर उपसरपंचपदी छाया पांगारे.
खेडशिवापुर ( प्रतिनिधी)
पुणे -सातारा महामार्गालगत असलेली भोर तालुक्यातील प्रतिष्ठीत समजली जाणारी वेळू ग्रामपंचायतीच्या निवडणुकीत परिवर्तन झाले असून काँग्रेसची एकहाती सत्ता आली आहे.सरपंचपदी आप्पा धनावडे तर उपसरपंचपदी छाया ज्ञानेश्वर पांगारे यांची बिनविरोध निवड करण्यात आली आहे.
वेळू ( ता.भोर ) येथील झालेल्या निवडणुकीत मा. सरपंच ज्ञानेश्वर पांगारे, विठ्ठल पांगारे, जीवन धनावडे, चंद्रकांत पांगारे, सोपान पांगारे, गंगाराम जाधव, डॉ. रमेश पांगारे, बाळासाहेब वाडकर, निवृत्ती पांगारे, जगन्नाथ पांगारे, मंगेश सुर्वे यांच्या नेतृत्वाखाली आप्पा तानाजी धनावडे, छाया ज्ञानेश्वर पांगारे, ईश्वर बबन पांगारे, अमोल बबन पांगारे, सुरेश सोपान पांगारे, संगीता दत्तात्रय पांगारे, पुष्पा लक्ष्मण काळे, सुजाता शशिकांत खुंटे असे अकरा पैकी आठ सदस्य निवडून आले आहे.
सरपंचपदासाठी अप्पा धनावडे तसेच उपसरपंच पदासाठी छाया पांगारे यांचा एकमेव अर्ज असल्याने बिनविरोध निवड झाल्याचे निवडणुक अधिकारी न.वि गिरमे यांनी जाहीर केले. बिनविरोध निवडीनंतर ग्रामस्थांच्या वतीने नवनिर्वाचित सरपंच उपसरपंचांचा सत्कार करण्यात आला.
(वेळू गावात आधुनिक व आवश्यक विकासकामे अधिक गतीने व वेगाने करणार असल्याचे नवनिर्वाचित सरपंच अप्पा धनावडे यांनी सांगितले.)
जाहिरात क्र:-1
जाहिरात क्र:-2
