भोर तहसिल कार्यालयात राष्ट्रीय मतदार दिन उत्साहात साजरा.
भोर (प्रतिनिधी):-
भारतातील लोकशाही बळकट करताना युवकांनी मतदानाचा पवित्र हक्क बजाववावा. नागरीकांमध्ये मतदान जनजागृतीचे कार्य करुन योगदान द्या, असे आवाहन भोरचे तहसीलदार अजित पाटील यांनी केले.
राष्ट्रीय मतदार दिनानिमित्त तहसिल भोर , येथे आज मतदार दिवस साजरा करण्यात आला. यावेळी भारतीय लोकशाही बळकट व सक्षम होण्यासाठी तरुणांनी पुढाकार घेणे गरजेचे आहे.लोकशाही बळकट करण्याचे काम मतदार नोंदणीतून आणि मतदानामध्ये सक्रीय सहभागातून होत असल्याने युवकांनी यात पुढाकार घ्यावा, त्याकरीता वयाची १८ वर्षे पूर्ण केलेल्या प्रत्येक पात्रताधारक भारतीय नागरिकाला मतदानाचा पवित्र हक्क बजावता यावा, यासाठी निवडणूक विभागामार्फत प्रचार, प्रसार व मतदार नोंदणी अभियान राबविण्यात येत आहे, असे तहसीलदार अजित पाटील यांनी सांगितले.
राष्ट्रीय मतदार दिना प्रसंगी तहसील कार्यालयात मतदान करण्याची,जनजागृती व लोकशाही बळकट करण्याची प्रतिज्ञा या वेळेस घेण्यात आली.
निवडणूक आयोगाचा २५ जानेवारी हा स्थापना दिवस आहे. हा दिवस देशभरामध्ये राष्ट्रीय मतदार दिवस म्हणून साजरा करण्यात येतो. मतदारामंध्ये मतदाना विषयी जनजागृती व्हावी, नवीन मतदार नोंदणी व्हावी या उद्देशाने या दिवशी वेगवेगळया कार्यक्रमांचे आयोजन करण्यात येते. मतदानासारख्या पवित्र कर्तव्यापासून कोणी वंचित राहू नये, असेही ते यावेळी म्हणाले.
यावेळेस निवासी नायब तहसीलदार मनोहर नांदे पाटील, संजय गांधी नायब तहसीलदार आर टी झाजरी,सरोदे व कर्मचारी उपस्थित होते
