पुणे ( प्रतिनिधी)
(न्यूज वार्ता ऑनलाईन)
"रक्तदान हेच श्रेष्ठ दान" या पंक्तीला सार्थ ठरवत कोरोना विषाणू (कोव्हिड19) काळात रक्ताचा तुटवडा दिवसेंदिवस मोठ्या प्रमाणावर भासत आहे .ही वास्तवता ओळखून "अखिल भारतीय सेना" यांच्या विशेष अथक प्रयत्नांतून व नायर रुग्णालय रक्तपेढी यांच्या मार्फत दगडी चाळ, भायखळा येथे रक्तदान शिबिर संपन्न झाले असल्याची माहिती अखिल भारतीय सेना" पक्षाच्या राष्ट्रीय सरचिटणीस सौ. आशाताई गवळी यांनी "न्यूज वार्ताला" दिली.
दि. १८ ऑक्टोबर २०२० रोजी अखिल भारतीय सेना पक्षप्रमुख मा. आमदार सन्मानीय अरुण भाई गवळी (डॅडी) ह्यांच्या आशीर्वादाने तसेच पक्ष राष्ट्रीय सरचिटणीस सौ. आशाताई गवळी(मम्मी) व कार्यसम्राट नगरसेविका सौ. गीताताई गवळी(दीदी) ह्यांच्या मार्गदर्शनाखाली दगडी चाळ सार्वजनिक नवरात्रोत्सव मंडळ भायखळा ह्यांच्या सौजन्याने व नायर रुग्णालय रक्तपेढी मार्फत आयोजित करण्यात आलेल्या रक्तदान शिबिरात एकूण २५६ नागरिकांनी सहभाग नोंदवला. प्रत्येक नागरिकाने आपलं सामाजिक कर्तव्य बजावून रक्तदान केले. कोरोनाच्या काळात वेळात वेळ काढून सर्व सरकारी नियमांचे पालन करून व सुरक्षित अंतर राखून रक्तदान केले.
