चंद्रभागा कोंढाळकर यांचे निधन

 

कांबरे खे.बा. (ता. भोर):●विठ्ठल पवार सर● 

हरीभक्त सांप्रदायाचे विचार पुढे नेणाऱ्या व समाजसेवा, धार्मिक कार्य आणि शेतीत संपूर्ण आयुष्य व्यतीत करणाऱ्या चंद्रभागा बबन कोंढाळकर (वय १०१) यांचे मंगळवार, दि. २६ रोजी वृद्धापकाळाने निधन झाले. त्यांच्या निधनाने भोर तालुक्यात शोककळा पसरली आहे.

चंद्रभागा कोंढाळकर यांचा जन्म १०१ वर्षांपूर्वी एका शेतकरी कुटुंबात झाला. त्यांनी आयुष्यभर कुटुंबाची देखभाल, शेतीची जबाबदारी आणि सामाजिक कार्य यामध्ये स्वत:ला झोकून दिले. त्यांचे योगदान फक्त कुटुंबापुरते मर्यादित न राहता त्यांनी धार्मिक विचारधारा पुढे नेण्यासाठी हरीभक्त सांप्रदायाच्या माध्यमातून मोठे कार्य केले.

त्यांच्या पश्चात तीन मुले, दोन मुली, सुना, नातवंडे आणि पतवंडे असा मोठा परिवार आहे. कृषी उत्पन्न बाजार समिती, भोरचे मा. संचालक उत्तम कोंढाळकर, पुण्यातील सुप्रसिद्ध कोंढाळकर दूध डेअरीचे आबा कोंढाळकर आणि मोहन कोंढाळकर यांच्या त्या मातोश्री होत.

त्यांच्या आयुष्याचा प्रवास हा श्रद्धा, कष्ट आणि निष्ठा यांचा अद्भुत संगम होता. कोंढाळकर यांच्या निधनाने एक श्रेष्ठ सामाजिक कार्यकर्ता आणि कुटुंबवत्सल व्यक्तिमत्व हरपले आहे.

त्यांच्या पार्थिवावर मंगळवारी सायंकाळी कांबरे खे.बा. येथील स्मशानभूमीत अंत्यसंस्कार करण्यात आले. यावेळी परिसरातील मान्यवर, नातेवाईक आणि ग्रामस्थ मोठ्या संख्येने उपस्थित होते.