वेळू ग्रामपंचायतीच्या सरपंचपदी सुरेश पांगारे व उपसरपंचपदी सौ.पुष्पा काळे यांची बिनविरोध निवड.
खेडशिवापुर (प्रतिनिधी):-पत्रकार टी .पवार.
भोर तालुक्यातील राजकीय दृष्ट्या महत्वाचे समजले जाणाऱ्या वेळू गावच्या सरपंचपदी सुरेश सोपान पांगारे व उपसरपंच सौ.पुष्पा लक्ष्मण काळे यांची बिनविरोध निवड करण्यात आली आहे.
निवडीनंतर ग्रामपंचायत पदाधिकारी व नागरिकांनी नवनिर्वाचित सरपंच व उपसरपंच यांचा सत्कार केला .
वेळू ग्रामपंचायत सरपंच ईश्वर उर्फ हिरामण पांगारे व उपसरपंच सौ.सुजाता खुंटे यांनी ठरलेल्या मुदतीत सरपंच व उपसरपंच पदाचा राजीनामा दिला .
गुरुवारी दि. 25 रोजी पार पडलेल्या निवड प्रसंगी सरपंच रिक्त पदासाठी सुरेश सोपान पांगारे व उपसरपंच पदासाठी पुष्पा लक्ष्मण काळे यांचा एकमेव अर्ज झाल्याने त्यांची बिनविरोध निवड झाली यावेळेस निवडणूक निर्णय अधिकारी कोरे मॅडम यांनी काम पाहिले. तलाठी रवींद्र काळे व ग्रामसेवक हरपुडे उपस्थित होते.
याप्रसंगी सदस्य आप्पासाहेब धनवडे मावळते सरपंच हिरामण पांगारे, अमोल बबन पांगारे, शिवाजी वाडकर, छाया ज्ञानेश्वर पांगारे संगीता पांगारे ,सुरेखा घुले, सारिका जाधव उपस्थित होते. नवनिर्वाचित सरपंच व उपसरपंच यांचा सत्कार भोर तालुका काँग्रेस पक्षाचे नेते ज्ञानेश्वर माऊली तात्या पांगारे, उद्योजक जीवन धनावडे, मंगेश सुर्वे, ह. भ. प. ज्ञानेश्वर माऊली पांगारे, दत्तात्रय पांगारे यांनी केला.
